ជិះម៉ូតូឡើងវ៉ារថយន្តបុកម៉ូតូ១គ្រឿងទៀតបណ្តាលស្លាប់ម្នាក់របួសធ្ងន់ស្រាល៣នាក់ស្រុកមង្គលបូរី
23-March-2018 | ដោយ ពលមនសិការ
បន្ទាយមានជ័យ ៖ ជិះម៉ូតូឡើងវ៉ារថយន្តបុកម៉ូតូ១គ្រឿងទៀតបណ្តាលស្លាប់ម្នាក់របួសធ្ងន់ស្រាល៣នាក់ ដែលកើតឡើងនៅម៉ោង៩និង១០នាទីយប់ថ្ងៃទី២២ ខែមីនា ឆ្នាំ២០១៨ នៅត្រង់ចំណុចភូមិគោកទម្លាប់ ឃុំបន្ទាយនាងស្រុកមង្គលបូរី។
ជនរងគ្រោះដែលស្លាប់មានឈ្មោះ អឿន សូនី ភេទប្រុសអាយុ៣០ឆ្នាំ និងរបួសធ្ងន់២នាក់ ទី១.ឈ្មោះ ដួង ដុះ ភេទប្រុសអាយុ២៤ឆ្នាំ ទី២.ឈ្មោះ ជី ភេទស្រី អាយុ៣០ឆ្នាំ របួសស្រាលឈ្មោះ ឃុន ឃើយ ភេទប្រុស អាយុ២៨ឆ្នាំ ជនរងគ្រោះរស់នៅស្រុកមង្គបូរី និងក្រុងសីសោភ័ណ។
អ្នកឃើញហេតុការបានប្រាប់ថា នៅពេលគ្រោះថ្នាក់ចរាចរណ៍កើតឡើងគឺជនរងគ្រោះឈ្មោះ អឿន សូនី បានជិះម៉ូតូម៉ាកហុងដាឌ្រីមពាក់ស្លាក់លេខ បន្ទាយមានជ័យ1I-7177 ម្នាក់ឯងតាមបណ្តោយផ្លូវជាតិលេខ៥ ទិសដៅពីជើងទៅត្បូងដល់ចំណុចកើតហេតុបានឡើងវ៉ារថយន្ត១គ្រឿងមកស្របទិសគ្នាបានបុកម៉ូតូ១គ្រឿងទៀតម៉ាក់ស៊ុយស៊ុយគីពាក់ស្លាក់ បាត់ដំបង 1B-8558 ដែលឌុបគ្នា៣នាក់មកបញ្ច្រាសទិសគ្នាពេញទំហឹងបណ្តាលរបួសធ្ងន់៤នាក់បានបញ្ជូនទៅមន្ទីពេទ្យបណ្តាល់ស្លាប់ម្នាក់និងរបួសធ្ងន់ស្រាល៣នាក់។
ក្រោយពេលគ្រោះថ្នាក់ចរាចរណ៍កើតឡើងកម្លាំងនគរបាលចរាចរណ៍ជើងគោកស្រុកមង្គលបូរីបានចុះទៅពិនិត្យបានប្រាប់ថាគ្រោះថ្នាក់ចរាចរណ៍ដែលកើតឡើងបណ្តាលស្លាប់១នាក់របួសធ្ងន់ស្រាល៣នាក់គឺបង្កឡើងដោយឈ្មោះ អឿន សូនី ដែលបើកបរលឿនហើយឡើងវ៉ារថយន្តដោយគ្មានការប្រុងប្រយ័ត្នទើបបណ្តាលបុកម៉ូតូ១គ្រឿងទៀតបណ្តាលរបួសធ្ងន់ស្រាល៣នាក់ក្រោយពេលវាស់វែងហើយត្រូវបានយកម៉ូតូ២គ្រឿងទៅអធិការនគរបាលស្រុកដើម្បីអនុវត្តតាមច្បាប់៕
ចំនួនអ្នកទស្សនា
- ថ្ងៃនេះ5901
- ម្សិលមិញ10851
- សប្តាហ៍នេះ72421
- ខែនេះ187571
- ឆ្នាំនេះ187571
- សរុប20630027